تورتة الجيلي بكريمة البندق طعم خيااال + مفاتيح نجاح الكيكه الاسفنجيه

[center][center][center]بسم الله نبدأ

مقادير الكيكه الاسفنجيه

6 بيضات
كوب سكر
كوب وربع دقيق
نصف ملعقه صغيره بكنج بودر
نصف ملعقه صغيره فانيليا
ملعقه صغيره محسن كيكه(هو عباره عن جيل أبيض يباع عند العطار) << اختياري يمكن الاستغناء عنه

تكه بسيطه : كل المكونات تكون في درجة حرارة الغرفه وخاصة البيض علشان لو بارد مش هيرتفع لما تضربيه

الطريقه

ينخل الدقيق مع البكنج بودر
تدهن صينيه كيكه (متحركة الجوانب ) بالسمنه والدقيق

مقاس الصينيه 24

تورتة الجيلي بكريمة البندق طعم خيااال + مفاتيح نجاح الكيكه الاسفنجيه Src1237329208

تورتة الجيلي بكريمة البندق طعم خيااال + مفاتيح نجاح الكيكه الاسفنجيه Src1237329208

يسخن الفرن على درجه متوسطه (180 درجه مئويه ) وتركته يسخن وفي أثناء ذلك حضرت عجينة الكيكه
-----------
يضرب البيض مع المحسن والفانيليا بالمضرب الكهربا على سرعه منخفضه لمدة دقيقه
ثم يضاف السكر الناعم ونزود سرعة المضرب .. مع استمرار الخفق لمدة لا تقل عن ربع ساعه وكل ما زادت مدة الخفق كان أحسن
حتى يتضاعف حجم البيض ويصبح مثل الكريمه (المضرب بيعمل فيه تموجات زي الكريمه ) ولونه فاتح

بعدها مباشرة يضاف الدقيق والبكنج المنخولين على هيئة رشات خفيفه مع التقليب بالراحه خالص من تحت لفوق بمعلقه او سكينه مسطحه عريضه علشان ما يضيع الهواء الموجود في البيض المضروب

يصب الخليط في الصينيه المدهونه واخبطي الصينيه على الرخامه عدة مرات للتخلص من الفقاعات الكبيره...
ويدخل الفرن السابق تسخينه لدرجة 180 درجه مئويه على الرف الاوسط ... ولا نفتح باب الفرن على الكيكه الا بعد نص ساعه

بتاخد تقريبا 45 دقيقه في الفرن

اغرسي في المنتصف سيخ خشب ولو خرج نظيف بدون عجينه يبقى استوت باذن الله وخرجيها على طول ولا تتركيها في الفرن حتى لا تنكمش
-------------------------------------------------

مفاتيح نجاح الكيكه الاسفنجيه

1- ضرب البيض والسكر حتى يتضاعف ويصبح قوامه مثل الكريمه وفاتح واضافة الدقيق على دفعات ونقلبه بالراحه
2- درجة حرارة الفرن تكون مظبوطه 180 .. لان لو الحراره عاليه هتتحمر من الخارج ومن الداخل هتكون نيه فهتهبط ولو منخفضه الكيكه مش هترتفع وهتنشف في الفرن
3- توضع في وسط الفرن للتوزيع الجيد للحراره من اسفل واعلى الكيكه
4- عدم فتح باب الفرن الا بعد مرور نص ساعه على الكيكه
5- التأكد من استوائها ... لان لو خرجتيها وهي لسه نيه من المنتصف هتهبط
6- أهم شئ انك لما تخرجيها من الفرن لا تضعيها في مكان بارد أو به تكييف أو هواء لانها هتهبط وتنكمش .. يجب أن توضع في مكان دافي قريب من الفرن (أنا أضعها فوق الفرن أو فوق البوتاجاز وبعيد عن الشباك أو التكييف)

-------------------------

كريمة البندق بالكراميل

2 كيس دريم ويب
اضربيهم مع نص كوب حليب مكثف (غير محلى)

ثم تذاب ورقتين جيلاتين في معلقة ماء على النار حتى الذوبان ثم نصفيهم ونتركه يبرد
يضاف الجيلاتين للخليط السابق ..
ويضاف معلقتين كراميل(سكر محروق) وباقي علبة كبيره من الحليب المكثف
مع الخفق بالمضرب الكهربا او في كوباية الخلاط لحد لما نحصل على كريمه متجانسه
ثم يضاف لهم معلقة بندق وممكن فسدق مفروم ونقلبهم
------------------------
تجهيز التورته

بعد ما الكيكه تبرد تقطع لقسمين او ثلاثه ونسقيها برشات خفيفه من الشربات
في نفس الصينيه متحركة الجوانب اللي خبزنا فيها الكيكه
نرص طبقات من الكيكه والكريمه والفاكهه وممكن ندهن الكيكه بمربى المشمش
المهم ان اخر طبقه تكون كريمه ونوزعها جيدا ونساوي سطحها مع عدم ترك فراغات في الجوانب علشان الجيلي مش ينزل من الجوانب لما نصبه على الوجه

ندخل الكيكه الفريزر ونتركها تجمد والكريمه تتماسك كويس

في اثناء ذلك نحضر الجيلي
تكه مهمه : قللي كمية الميه .. يعني لو الباكو مكتوب عليه كوبايتين اعملي كوباية ونص او كوباية ميه فقط .. علشان يتماسك ويطلع جامد ومش سايح على الجوانب .. وعادة التورته بتاخد باكو او تلاته جيلي حسب ارتفاع الكيكه والصينيه

ونقطع الفاكهه ممكن تستخدمي فصوص البرتقال المخليه او الخوخ المعلب شرايح وفواكه مسكره
و ممكن الموز والعنب خطير مع الجيلي .. او اي فاكهه مفضله

طلعي الصينيه من الفريزر وصبي عل الوجه نص مقدار الجيلي المذاب ودخليه الفريزر مره تانيه يجمد

ضيفي على الفاكهه معلقتين جيلي ثم وزعيها بشكل جمالي على سطح الجيلي ودخليها الفريزر .. الخطوه دي مهمه علشان الفاكهه تمسك في الجيلي ومش تتحرك اثناء صب باقي الجيلي

بعدين ضيفي باقي الجيلي ولما يجمد غلفي الصينيه ببلاستيك واحتفظي بيها في الفريزر

عند التقديم خرجيها قبلها بوقت وفكي جوانب الصينيه وزيني الجوانب بجوز هند او مكسرات وحطيها في الثلاجه من تحت لحين التقديم

تورتة الجيلي بكريمة البندق طعم خيااال + مفاتيح نجاح الكيكه الاسفنجيه 1263633527

تورتة الجيلي بكريمة البندق طعم خيااال + مفاتيح نجاح الكيكه الاسفنجيه 1263633527

تورتة الجيلي بكريمة البندق طعم خيااال + مفاتيح نجاح الكيكه الاسفنجيه 1263483454

بالهنا والشفا

[/center]
[/center]
[/center]

شكرا اختي على الموضوع
تسلمي
تحياتي:
_:...عاشقة التصميم...:_

شكرا على الموضوع تسلمى

» تورتة الجيلى بموس الشيكولاتة
» مفاتيح الرجل