أولا:مقادير الكيكة الأسفنجية:
بالنسبة لصينية مقاس 26:
8بيضات
200 جم سكر
210 جم دقيق
70 جم نشا
1 ملعقة كبيرة بيكنج بودر
2 كيس فانيليا
والمقادير دى مضبوطة جدا وبتدى كيكة هشة ودى من مشاركة العضوة الجميلة nohazd صاحبة ملف وعدت فأوفيت بس مقادير النشا مع الدقيق من خلال تجاربى لقيت إنى لو شلت ربع مقدار الدقيق وحطيت بداله نشا بتكون النتيجة أحلى
الطريقة :
1- ندهن صينية مقاس 26 بالسمن ونرشها بالدقيق
2- ننخل الدقيق والنشا والبيكنج بودر مرتين
3- نولع الفرن على 180 درجة
4- نضرب البيض والفانيليا والسكر على السرعة الأولى لحد ما السكر يدوب وبعد ما نتأكد إن السكر داب نعلى السرعة ودى نصيحة الشيف حسن و نستمر فى الضرب لمدة ربع ساعة متواصل
5- نركن المضرب ونبتدى نضيف المقادير الجافة المنخولة ملعقة ملعقة أنا بإستخدم دراع المضرب فى التقليب ويكون التقليب بخفة من فوق لتحت
6- نصب الخليط فى الصينية ونحطها فى الفرن وبتاخد حوالى 40 دقيقة نطلعها وماننساش نختبرها بعود الخلة فى النصف عشان نتأكد إنها إستوت وبعد ما تبرد نقلبها على منخل سلك
و ما نسيتش نصيحة العضوة الجميلةroby 7 :
بنطلع كل حاجة من التلاجة قبل الشغل بساعة لضمانإن كل حاجة تكون درجة حرارتها واحدة
ثانيا:مقادير موس الشيكولاتة:موس الشيكولاتة دة ممكن يعمل معاكى إرتفاع للكيكة بحيث تكون شبيهة بتورتة الأيس كريم بشرط بقاءه فى التلاجة ساعتين قبل الأستخدام وأنا باعمله كتير لوحده واحطه فى الفريزر على إنه أيس كريم شكولاتة أوأحطه فى التلاجة وأقدمه للولاد على إنه دانيت شكولاتة زى الصورة دى:
لكن أنا إستخدمته كحشوة فقط يعنى ماعليتش الكيكة قوى بيهوما حبيتش أستخدم بيض فيه وإكتفيت بالكريم شانتيه بدل مارينج البيضنرجع تانى للمقادير: 1-ربع كيلو شيكولاتة خام 250 جرام
2-تمن كيلو كريم شانتيه بودرة
3- لبن حوالى نصف كوب أو أكتر
4- نصف كوب زبد
5- ملعقة كبيرة نشا مذاب فى ربع كوب ماء
6- ملعقة كبيرة جلاتين مذاب فى كوب ماء ساخن ونسيبه على جنب
7-3ملاعق كبيرة كاكاو خام ويمكن الأستغناء عنه والأكتفاء بالشيكولاتة
8- نصف كوب سكر بودرة فى حالة إستخدام الكاكاو
الطريقة :
1- نسيح الشيكولاتة والزبدة على نار هادية
2-نضيف السكر والكاكاو واللبن لغاية أما يمتزج المقدار
3-وبعدين نحط النشا لغاية أما يتقل المقدار ويكون شبيه بقوام الكريمة وبعدين نحط الجلاتين ونسيبه يبرد خالص خالص ممكن نحطه شوية فى التلاجة
4- نخفق الكريمة مع لبن ساقع بنحط اللبن بحرص مابنذودش عن ربع كوبايةوبعدين نحط الكريمة شوية فى التلاجة
5- نخفق الكريمة على الشيكولاتة بالمضرب بيكون عامل زى الأيس كريم
أنا إستخدمته على طول للحشو
ثالثا: ندوب 2 باكو جيلى أحمر فى تلاتة ونصف كوب ماء فى نفس الصينية بتاعة الكيكة ونقطع موز عليهم لحد أما الصينية تتملى ونحطها فى التلاجة لحد أما الجيلى يجمد
وبعدين نذوق الكيكة زى الصور:
أنا قسمتها تلات أقسام دة أول قسم عليه موس شيكولاتة وكمبوت
وحطيت تانى جزء عليه بندق وكمبوت بعد موس الشيكولاتة طبعا
وبعدين تالت قسم وسويت الجوانب بالموس
وبعدين حطيت مكسرات فى الواقع سودانى عشان التكاليف
وفى الأخر نحط الكيكة على الجيلى ونضغط برفق زى الصورة
ونجيب صينية أكبر فيها ماء ساخن ننزل الصينية فيها ونطلعها على طول يادوب لحظة زى ما وصفت لنا حبيبة قلبى عمرنا الجميلة فى موضوعها تورتة الجيلى خفيفة جداودة بيكون شكلها بعد القلب
موضوع: تورتة الجيلى بموس الشيكولاتة 
الأربعاء مارس 17, 2010 5:51 pm
