موضوع: يخنه اللحمه بالسفن مع شوربه الشوفان وسلطه البطاطس والمكرونه وجبه كامله الأربعاء مارس 17, 2010 5:22 pm
بسم الله الرحمن الرحيم
انا جيبالكم انهاردة اكله حلوة قوى اولا انا مش اكله لحوم عشان لما بعمل اكله فيها لحمه حمرا بكون حباها جدا والاكله دى سهله جدا وصراحه عملتها مرة يمكن من سنه ومعملتهاش تانى مش عشان هى مش حلوة عشان انا زى ما اقولتلكم مش من محبى اللحمه الحمرا المهم نبتدى المكونات
المقادير لحمه حمرا كام بصله متوسطه 2حبه جزر كبار مشروم اذا حبه تضفيه ملح فلفل اسود وابيض بابريكا قرفه ورق لورا كام فص توم 2مكعب مرقه دجاج زيت حته زبدة والاهم 2كوب سفن وكوب ماء نص كوب دقيق مبهر
اول حاجه نحط اللحمه فى الدقيق ونغطيه كويس بالدقيق
دى حته ليا او دهن بسيطه ونسخن الحله فيهم
ونضيف اللحمه المبهرة بالدقيق مع اضافه زيت قليل
وبعدين ننشيلها من الزيت بعد ما يكون لونها بنى
بالشكل دا
وبعدين فى نفس الحله نضيف حته زبدة وبصل والجزر
نضيف الزعتر والتوابل وورق اللورا والتوم
وبعدين نضيف السفن
بعدين اللحم ونسيبها نص ساعه
بعدين نضيف المشروم ونسيبها كمان ربع ساعه
ودى شكلها بعد مااستوى
وتقدم مع المكرونه
شوربه الشوفان المقادير بصله وجزرة وطمطمايه 8معالق صغيرة شوفان لتر ماء
تحمسى البصل والجزر
نصيف الطماطم المبشورة
الشوفان قنعناه فى نص كوب ماء داقئ
ونضيف الشوفان وبعدين الماء
ونسيبها تغلى وبعد كدة نضربها فى الخلاط
السلطه تسلقى بطاطس وتقطعى عليها طماطم وبقدونس وبصل وجزر وتبليها بزيت الزيتون والملح والفلفل وتقدميها